Nga nesër, Gjermania do të heq Kosovën nga lista e kuqe për udhëtim.
Kjo është bërë e ditur me anë të një postimi nga ambasada e Gjermanisë në Kosovë, shkruan lajmi.net.
Ata kanë njoftuar se ndryshimi në fjalë do të hyjë në fuqi më 24 tetor, pra nesër.
“Ndryshimet e fundit: Heqja e Kosovës si zonë me rrezik të lartë nga 24 tetor 2021”, thuhet në njoftim.
Gjermania kishte futur Kosovën në listën e shteteve me rrezik të lartë më 22 gusht të këtij viti, pas rritjes së rasteve me koronavirus.
