Nisen nga fabrika autobusat për Prishtinë, të hënën arrijnë

21 autobusët e ri të paralajmëruar muaj më parë nga komuna e Prishtinës, tashmë janë nisur për në kryeqytet.

Lajmin e ka konfirmuar i pari i Prishtinës, Shpend Ahmeti. Nga 1 tetori këta autobusë do të jenë në shërbim të qytetarëve të Prishtinës.

“Edhe 21 autobusët e tjerë sot nisen nga fabrika. Të hënën janë në Prishtinë ndërsa nga 1 tetori do të jenë në qarkullim edhe në linja tjera përpos 1, 3 dhe 4. Vazhdojnë me pritoret e reja dhe implementimin e linjave të reja” shkruan Ahmeti në Facebook.