Një grup të rinjsh palestinezë pranë qytetit të Betlehemit po gjuanin gurë ndaj trupave izraelite, të cilët u përgjigjën me gaz lotsjellës dhe të shtëna me armë, thonë dëshmitarët.
Forcat izraelite vranë adoleshentin palestinez në Bregun Perëndimor të pushtuar, thanë zyrtarët palestinezë.
Ushtria izraelite tha se po kontrollonte raportin.
Ministria palestineze e Shëndetësisë tha se 16-vjeçari u qëllua për vdekje gjatë përleshjes.
Më herët, ushtria izraelite tha se arrestoi një militant të dyshuar dhe konfiskoi armë në një bastisje në qytetin e Jeninit që çoi në përleshje me palestinezët.
Forcat izraelite thanë se qëlluan mbi të dyshuarit që hodhën mjete shpërthyese ndaj tyre. Televizioni Palestinez tha se ushtarët plagosën dy persona, duke përfshirë një djalë 14-vjeçar. Ai tha se forcat bllokuan lëvizjen e ambulancave dhe kryen arrestime përpara se të tërhiqeshin.
Tensionet në konfliktin izraelito-palestinez u rritën këtë vit, me sulme të shpeshta ushtarake dhe dhunë nga kolonët izraelitë në mes të një vale sulmesh palestineze. Më shumë se 90 palestinezë dhe të paktën 19 izraelitë dhe të huaj janë vrarë që nga janari.
