Dy shoqata bamirëse palestineze nisën fushata dhurimi në Rripin e Gazës për fëmijët në Turqi dhe Siri.
“Fushatat e donacioneve dhe aktivitetet e solidaritetit janë një mesazh besnikërie nga fëmijët e Gazës ndaj Turqisë, popullit dhe qeverisë së saj,” tha Ezzeddin Abu Sabha nga Shoqëria e Qendrës Islamike. Fushata e nisur nga bamirësia e tij do të zgjasë deri të enjten për të mbledhur fonde për viktimat të fatkeqësisë së tërmetit.
Një tjetër fushatë dhurimi u nis gjithashtu nga Fondacioni Ndërkombëtar Ahmad Yassin për një ditë për fëmijët si në Turqi ashtu edhe në Siri.
“Donacionet do të përdoren për të blerë dhurata dhe lodra për fëmijët e prekur nga fatkeqësia e tërmetit në të dy vendet, në shenjë solidariteti me ta në fatkeqësinë e tyre”, tha Samira Nassar, një zëdhënëse e fondacionit. /trt
