Në qytetin Koçan të Maqedonisë së Veriut janë përkujtuar viktimat e zjarrit vdekjeprurës në diskotekën “Pulse” që ndodhi më 16 mars 2025, me 63 karrige të bardha të vendosura në qendër të qytetit, raporton Anadolu.
Vendosja e 63 karrigeve të bardha në kujtim të 63 viktimave të tragjedisë u organizua nga Komuna e Koçanit dhe prindërit e të ndjerëve në Parkun e Revolucionit në Koçan.
Nga ana tjetër, në secilën prej 63 karrigeve u vendos nga një trëndafil i bardhë. Gjithashtu u hap një libër ngushëllimesh në kujtim të viktimave.
Ky aktivitet përkujtimor është një nga aktivitetet e shumta të organizuara në nder të viktimave të zjarrit.
Në orët e hershme të mëngjesit të 16 mars 2025, në klubin e natës “Pulse” në Koçan shpërtheu një zjarr si pasojë e mjeteve piroteknike gjatë mbrëmjes argëtuese, ku humbën jetën 63 persona dhe mbi 200 u plagosën.
Hetimet fillestare pas incidentit zbuluan se objekti në fjalë ka funksionuar me licencë të rreme dhe për vite me radhë ka operuar pa përmbushur standardet e nevojshme.
Më 19 nëntor filloi zyrtarisht gjykimi për rastin e zjarrit tragjik.
