Presidenti i Kilit, Gabriel Boric, ka premtuar se do të rrisë presionin ndaj Izraelit për luftën në Gaza gjatë nëntë muajve të fundit të qeverisjes së tij.
Deklaratat i bëri gjatë një fjalimi treorësh para Kongresit Kombëtar në qytetin bregdetar Valparaiso — fjalimi i tij i fundit vjetor para Kongresit.
Mes duartrokitjeve dhe kundërshtimeve nga të dyja anët e sallës, Boric tha se do të propozojë një ligj për të ndaluar importet nga territoret që ai i quajti “të pushtuara në mënyrë të paligjshme” dhe do të mbështesë përpjekjet e Spanjës për një embargo armësh ndaj Izraelit.
Boric, një kritik i hapur i politikave izraelite, së fundmi ka tërhequr personelin ushtarak nga ambasada e Kilit në Izrael dhe ka thirrur ambasadorin për sqarime. /mesazhi
