Ashtu siç edhe premtoi kryetari i Mitrovicës, Agim Bahtiri, në Mitrovicë ka nisur rrënimi objektit banesor 11-katësh, i ndërtuar pa leje.
Eskavatori i angazhuar nga Komuna e Mitrovicës, ka filluar rrënimin e objektit 11- katësh, të ndërtuar pa leje në rrugën “Shemsi Ahmeti” në Mitrovicë.
Para fillimit të rrënimit të objektit kryetari i Mitrovicës, Agim Bahtiri dhe pronari i objektit të ndërtuar pa leje, patën një bisedë.
Pronari i objektit e ka kundërshtuar vendimin, duke thënë se është i padrejtë vendimi për rrënim.
Mirëpo, ai nuk ia ka dalë të bind kryetarin Bahtiri, që të mos realizojë aksionin e rrënimit.
Bahtiri ka thënë se vetëm po e zbaton ligjin.
Pas kësaj ka filluar puna në rrënimin e objektit, ku janë të pranishme edhe forcat policore. /Telegrafi/
