Një prej shkollave fillore më të mëdha në Prishtinë “Ismail Qemali”, nga sot ka kaluar në skenari C të mësimit, e që i bie online.
Sipas njoftimit të kësaj shkolle në Facebook, vendimi është marrë pas takimeve të njëpasnjëshme të grupit të Task Forcës së shkollës, dje dhe sot, për shkak të rritjes së numrit të rasteve me COVID-19 dhe përhapjes shumë të shpejtë.
Shkolla do të vazhdojë me mësim online në platformat e-shkollori, Zoom e të tjera deri në një vendim tjetër.
“Ky vendim është marrë pas shqyrtimit dhe përcjelljes së situatës me virusin në bashkëpunim me MASHT-in”, thuhet në njoftimin e shkollës në lagjen Bregu i Diellit.
