Para katër vitesh, Lidhja Demokratike e Kosovës kishte mbajtur Kuvendin e Tetë Zgjedhor.
Në vitin 2015 delegatët e LDK-së, kishin votuar që edhe për një mandat Isa Mustafa të jetë në krye të partisë.
Pro zgjedhjes së Mustafës kishin votuar 350 delegatë, ndërsa zgjedhjen e tij e kishin kundërshtuar dy delegatë.
Theksojmë se në Kuvendin e Tetë Zgjedhor, zgjedhja e Mustafës ishte bërë me aklamacion, dhe vetëm me kandidaturën e tij, transmeton Telegrafi.
Ndërsa, delegatët e LDK-së nuk e kishin aprovuar kandidaturën e Vjosa Osmanit për kryetare të partisë, asaj i kishin dhënë vetëm 62 vota.
Mustafa është në krye të LDK-së, që nga viti 2010.
Ndryshe sot, LDK do të mbajë Kuvendin e Nëntë Zgjedhor duke filluar nga ora 10:00. Kuvendin e LDK-së këtë vit përbëjnë 355 delegatë.
Lidhja Demokratike e Kosovës përmes një njoftimi për media ka njoftuar se Kuvendi Zgjedhor do të jetë i mbyllur për media.
