Një person e ka humbur jetën ndërsa 11 të tjerë janë plagosur nga të shtënat që ndodhën të shtunën në mbrëmje në Brooklyn të SHBA-ve, transmeton Anadolu Agency (AA).
Zëdhënësi i policisë së New Yorkut ka njoftuar sot se të të shtënat kanë ndodhur në një park në lagjen Brownsville.
Një person u është nënshtruar plagëve ndërsa nuk bëhet e ditur gjendja shëndetësore e 11 personave të tjerë, thonë nga policia.
Bëhet e ditur se gjashtë persona janë hospitalizuar në gjendje kritike.
Policia nuk ka bërë të ditur detaje në lidhje me incidentin, e as që ka publikuar më shumë informata për sulmuesit.
Kryetari i New Yorkut, Bill de Blasio, në rrjetet sociale ka shprehur keqardhje për ngjarjet dhe ka premtuar se do të bëjë gjithçka që është nën kompetencat e tij që të mbajë të sigurt komunitetin.
