Departamenti amerikan i Thesarit paralajmëroi për rreziqet rreth tregut në zhvillim të artit digjital dhe përdorimit të tokenave të pandërrueshëm (NFT), raporton Anadolu Agency (AA).
Agjencia tha se studimi i saj shqyrtoi lehtësimin e pastrimit të parave, financimin e terrorizmit përmes tregtisë së artit digjital me vlerë të lartë dhe pjesëmarrësve të caktuar në ato tregje.
“Disa cilësi të qenësishme të artit me vlerë të lartë, mënyra se si blihet dhe shitet dhe disa pjesëmarrës në treg, mund ta bëjnë tregun e artit me vlerë të lartë tërheqës për pastrimin e parave nga kriminelët”, thuhet në deklaratë.
“Më tej, tregu në zhvillim i artit digjital, siç është përdorimi i tokenave të pandërrueshëm (NFT), mund të paraqesë rreziqe të reja, në varësi të strukturës dhe stimujve të tregut”, shton deklarata.
Agjencia rekomandoi krijimin dhe rritjen e programeve të ndarjes së informacioneve në sektorin privat për të nxitur transparencën midis pjesëmarrësve të tregut të artit.
Rekomandime të tjera përfshinin përditësimin e udhëzimeve dhe trajnimeve për zbatimin e ligjit, duke u kërkuar autoriteteve të mbështesin mbledhjen e informacioneve dhe zbatimin e kërkesave të caktuara për raportimin e aktiviteteve të dyshimta. /aa
