Skuadra nga Premier League, Tottenhami po vlerësohet favorit për të siguruar shërbimet e sulmuesit të Kosovës, Fisnik Asllani.
Thuhet se Tottenhami ka parakaluar të gjitha skuadrat tjera në garë për Asllanin, të cilin po e kërkon me ngulm trajneri i ri, Roberto De Zerbi.
Madje, Tottenhami ka njoftuar Hoffenheimin se është gati të paguajë 30 milionë euro për Asllanin, i cili ka kontratë me ekipin gjerman deri në vitin 2029.
Asllani pritet të largohet nga Hoffenheimi këtë verë, pasi tashmë ka tërhequr vëmendjen e shumë skuadrave të Evropës, përfshirë Barcelonën, Bayern Munchenin, Borussia Dortmundin dhe Chelsean.
Te Tottenhami po e shohin Asllanin si përforcim të duhur për sulmin në sezonin e ardhshëm, pasi 23-vjeçari këtë sezon ka 10 gola e 8 asistime në 29 paraqitje për Hoffenheimin në të gjitha garat.
