Në kampin e refugjatëve në Marib të Jemenit, 3 fëmijë vdiqën nga i ftohti i madh.
Në deklaratën e bërë në llogarinë e medias sociale të Njësisë Ekzekutive të Administrimit të Kampeve të Refugjatëve të qeverisë së Jemenit, thuhet se 3 fëmijë ngrinë për vdekje në kampin e refugjatëve në Marib.
Në deklaratë thuhet se kampeve të refugjatëve ku jetojnë jemenasit u mungojnë shërbimet më elementare shëndetësore, si dhe objektet për të mbrojtur fëmijët, gratë dhe të moshuarit nga i ftohti, dhe bëhet e ditur se organizatat humanitare nuk mund të ofrojnë ndihmë në këto fusha.
“Ka mijëra familje që janë zhvendosur kohët e fundit për shkak të milicisë huthi nga rajonet jugore të Maribit. Këto familje ende jetojnë në mjedise të hapura dhe nuk kanë nevojat më elementare të jetës njerëzore.” tha Abdurabbu Miftah, zëvendësguvernatori i Maribit, në muajin nëntor. /trt
