Antonio Guterres, pritet të emërohet Sekretar i ri i OKB-së

Në mesin e 10 kandidatëve, Antonio Guterres i cili për një dekadë tërë ishte përfaqësues i lartë në Agjencinë për Refugjatë të OKB-së ka qenë favoriti i dukshëm për të marrë kryesimin, pasi mandati i Ban Ki-moon përfundon më 31 dhjetor.

“Sot, pas votimit tonë të gjashtë ne kemi një favorit të qartë dhe emri i tij është Antonio Guterres”, u tha gazetarëve pas votimit ambasadori i Rusisë në OKB, Vitali Çurkin.

“Ne kemi vendosur të shkojmë në një votim formal nesër në ora 10 dhe shpresojmë që kjo mund të bëhet me aklamacion”, shtoi ai.

Guterres udhëheqi në pesë votimet e fundit që filloi në korrik.

Derisa Këshilli i Sigurimit përgatitet të votojë të enjten për të rekomanduar kandidat për miratim nga ana e Asamblesë së Përgjithshme prej 193 vendeve, votat e pesë vendeve të përhershme, Kinës, Francës, Rusisë, Britanisë së Madhe dhe SHBA-ve do të jenë vendimtare.