Automjete të ushtrisë izraelite kanë hyrë në një fshat në zonën rurale të Quneitrës, në jug të Sirisë, sipas raportimeve lokale.
Burimet bëjnë të ditur se forcat izraelite u panë duke lëvizur brenda zonës, pa dhënë detaje të menjëhershme për përplasje apo arrestime. Autoritetet siriane nuk kanë reaguar ende zyrtarisht për incidentin.
Që nga rënia e regjimit të Bashar al-Assadit, Izraeli ka zgjeruar kontrollin mbi territore siriane dhe ka kryer një sërë bastisjesh dhe bombardimesh në zona të ndryshme të vendit.
Zhvillimet e fundit shtojnë tensionet në jug të Sirisë, në një periudhë paqartësie politike dhe sigurie në rajon. /mesazhi
