Avioni i parë turk mbërriti të shtunën në bazën ajrore Wunstorf Air Base në Gjermani, në kuadër të stërvitjes më të madhe ushtarake të vitit të NATO, Steadfast Dart-26, njoftoi Komanda e Forcave të Përbashkëta Aleate e NATO-s në Brunssum.
“Aleatët janë në lëvizje, stërviten së bashku për të forcuar gatishmërinë dhe mbrojtjen kolektive”, thuhet në një deklaratë të aleancës, të publikuar në platformën X.
Forcat e Armatosura Turke do të marrin pjesë në stërvitjen më të madhe të vitit të NATO-s, Steadfast Dart-26, nga 8 deri më 20 shkurt, me një forcë prej rreth 2.000 personash, që përfshin njësi tokësore dhe detare.
