Neymar vazhdon të kërkohet nga Real Madrid, por edhe ish skuadra e tij, Barcelona.
Real Madrid nuk është dorëzuar në garë për transferimin e Neymarit nga Paris Saint-Germain.
Edhe pse ylli brazilian raportohet se preferon rikthimin te Barcelona, “Los Blancos” janë duke bërë përpjekje ta finalizojnë marrëveshjen me klubin francez.
Madje, presidenti i Real Madridit, Florentino Perez u ka thënë këshilltarëve të tij se dëshiron ta prezantojë Neymarin në Santiago Benabeu gjatë javës së ardhshme, raporton e përditshmja sportive katalane “Sport”, transmeton lajmi.net.
Neymar ka konfirmuar vendimin e tij për largim nga Paris Saint-Germain dhe ka kohë deri më 2 shtator që të realizojë vullnetin e tij përkundër kërkesave të larta nga klubi francez për shitjen e tij.
