Kombëtarja e Kosovës ka luajtur baras në miqësoren e parë.
Kosova ka luajtur baras 2:2 në shtëpinë e saj në ‘Fadil Vokrri’, në ndeshjen kundër Armenisë, shkruan lajmi.net.
Dardanët patën një pjesë të parë goxha të dobët, duke mos krijuar thuajse asgjë.
Goli i vetëm në 45 minutëshin e parë u shënua nga Shaghoyan, në minutën e 24’ të takimit, pas një depërtimi nga krahu i majtë.
Në pjesën e dytë, Kosova bëri disa ndryshime taktike dhe pati paraqitje pak më të mirë. Ata gjetën golin në minutën e 67’ me Lirim Kastratin, i cili shënoi nga penalltia. Penalltinë e fitoi Ferati.
Megjithatë, Dardanët s’e mbajtën dot balancin dhe u mposht përsëri në minutën e 82’, nga Hovhannisyan, për rezultatin final 1:2.
Por, befasia më e këndshme së fundmi te Kosova, Donat Rrudhani, u përkujdes që të shënonte një gol në minutat shtesë, për ta nxjerr Kosovën me barazim.
Zëvendësimet që përdori Alain Giresse ishin Kastrati, Rrudhani, Ferati dhe Topalli.
