FC Drita, e ka mësuar kundërshtarin e mundshëm të plejofit të Ligës së Konferencës.
Nëse e kalon rundin e tretë kualifikues, kampionia e Kosovës, Drita do të përballet në plejof me fituesin e ndeshjes ndërmjet Flora Tallinn dhe Inter Club d’Escaldes.
Fillimisht synimi i skuadrës gjilanase është që ta kalojë raundin e tretë kualifikues të “UEFA Conference League”.
Drita në rrethin e tretë kualifikues do të përballet me klubin nga San Marino, Tre Fiori.
Ndeshjen e parë ndaj Tre Fiorit, Drita e luan të enjten në udhëtim. Ndërsa ndeshja e kthimit luhet një javë më pas në Prishtinë.
