Të dashur fëmijë!
Islami është feja e Allahut.
Islami është feja e vërtetë tek Allahu.
Islami është feja e paqes.
Islami është feja e butësisë.
Islami është feja e mëshirës.
Islami është feja e lehtësimit.
Islami është feja e të gjithë njerëzimit.
Islami është feja e natyrës së pastër.
Prandaj: Ne jemi krenarë që jemi myslimanë.
Në orën e edukatës islame:
Mësuesi: Ardit, sa fe ka në botë?
Arditi: Ka aq shumë fe, saqë është e vështirë të numërohen.
Mësuesi: Zejnep, a janë të gjitha fetë të vërteta?
Zejnepi: Jo mësues, të gjitha fetë janë të gabuara, përveç njërës.
Mësuesi: Hatixhe, cilët janë tre fetë, të cilave Allahu u ka shpallur libër?
Hatixhja: Hebraizmi, Krishterimi dhe Islami.
Mësuesi: Osman, cila nga këto fe është feja e vërtetë?
Osmani: Feja islame mësues.
Mësuesi: Përse?
Shemsiu: Për shkak se Islami është e vetmja fe, të cilën e ka ruajtur Allahu.
Mësuesi: Ju lumtë fëmijë.
Dialog:
Ismaili: Mami, çfarë duhet të bëjë një njeri nëse dëshiron të bëhet mysliman?
Mami: Duhet të thotë shehadetin.
Ismaili: Si thuhet shehadeti?
Mami: “Esh’hedu en la ilahe il lallah ue esh’hedu enne Muhammeden abduhu ue resuluhu
Ismaili: Cili është kuptimi i shehadetit?
Mami: Dëshmoj se nuk ka zot tjetër përveç Allahut dhe dëshmoj se Muhamedi është rob dhe i Dërguar i Allahut.
Ismaili: Faleminderit mami. Allahu ta shpërbleftë me të mira.
Kushtet e Islamit:
1 – Shehadeti
2 – Falja e namazit
3 – Dhënia e Zekati
4 – Agjërimi i Ramazanit
5 – Haxhi një herë në jetë për atë që ka mundësi.
Të dashur fëmijë!
Feja islame flet për besimin.
Feja islame flet për adhurimin.
Feja islame flet për moralet e mira.
Feja islame rregullon marrëdhëniet e njeriut me Allahun.
Feja islame rregullon marrëdhëniet e njeriut me të tjerët.
Feja islame rregullon marrëdhëniet e njeriut me veten e tij.
Disa nga urdhëresat e fesë islame:
Adhuroje Allahun!
Fale namazin!
Jepe zekatin!
Agjëroje Ramazanin!
Kryeje haxhin!
Sillu mirë me prindërit!
Ji njeri i drejtë dhe i sinqertë!
Mbaje besën dhe amanetin!
Disa nga ndalesat e fesë islame:
Mos adhuro askënd tjetër përveç Allahut!
Mos u sill keq me prindërit!
Mos vidh!
Mos gënje!
Mos luaj bixhoz!
Mos ha mish derri!
Mos pi duhan e as alkol!
Mos ji mëndjemadh!
Mos e thyej besën dhe amanetin!
Hadith:
Njëherë Profeti (a.s) u tha shokëve të tij: “Feja është këshillë. Shokët e pyetën: Për kë është këshillë? Profeti (a.s) tha: Për Allahun, për Librin e Tij, për të Dërguarin e Tij, për të parët e myslimanëve dhe për të gjithë myslimanët.”
Dialog:
Gjyshi: Eh si janë bërë njerëzit sot, “pa din dhe pa iman”.
Selmani: Gjysh, çfarë do të thotë “pa din dhe pa iman”
Gjyshi: Po ja “pa din dhe pa iman” do të thotë një njeri pa fe dhe pa besim.
Selmani: Gjysh, çfarë mund të bëjë një njeri “pa din dhe pa iman”?
Gjyshi: Gjithë të këqijat.
Selmani: Për shembull?
Gjyshi: Një njeri i tillë e shan Zotin dhe fenë e Tij. Një njeri i tillë nuk i bindet Allahut dhe as urdhërave të Tij. Një njeri i tillë i bindet vetëm tekave të tij, shejtanit dhe urdhrave të tij.
Selami: Sa keq qenka të jesh “pa din dhe pa iman”, gjyshi!
Gjyshi: Është e vërtetë nipi im i dashur, prandaj ne duhet të jetojmë me “din dhe iman”
Dialog:
Sara: Mami, çfarë ndodh me njeriun pasi varroset?
Mami: I vijën dy engjëj – Munkeri dhe Nekiri – dhe i bëjnë tre pyetje?
Sara: Çfarë pyetjesh?
Mami: Kush është Zoti yt? Cila është feja jote dhe cili është Profeti yt?
Sara: E si përgjigjet njeriu?
Mami: Nëse është besimtar thotë: Zoti im është Allahut, feja ime është Islami dhe profeti im është Muhamedi (a.s)
Sara: Po ai që është jobesimtar, a i përgjigjet këtyre pyetjeve?
Mami: Jo.
Sara: Po përgjigja e këtyre pyetjeve është shumë e thjeshtë?!
Mami: Është e thjeshtë për ne që jemi besimtarë, ndërsa jobesimtari e ka pamundur të përgjigjet. Prandaj ne duhet të falenderojmë Allahun, i Cili na ka bërë myslimanë.
Sara: Elhamdulilah.
Lutje profetike:
“Radijtu bil lahi rabben, ue bil islami dinen, ue bi Muhammedin (s,a.w.s) nebijjen ue resulen”
Jam i kënaqur me Allahun si Zot, me Islamin si fe dhe me Muhamedin (s,a.w.s) si Profet e të Dërguar.
Edukata ime me fenë islame:
Unë e dua fenë time.
Unë i respektoj urdhrat e fesë.
Unë adhuroj vetëm Allahun.
Unë e fal namazin.
Unë agjëroj Ramazanin.
Unë lexoj Kuran.
Unë sillem mirë me prindërit.
Unë them gjithmonë të vërtetën.
