Ekipi saudit, klubi Al Ittihad, refuzoi të marrë pjesë në një ndeshje në Iran për shkak të pranisë së një statuje të gjeneralit iranian Qasem Soleimani, i cili udhëhoqi forcat elitare të Iranit dhe u vra në një sulm me dron të SHBA-së në vitin 2020.
Ndeshja ishte pjesë e Ligës së Kampionëve të Azisë dhe u mundësua nga përpjekjet e fundit diplomatike mes Arabisë Saudite dhe Iranit.
Skuadra saudite nuk pranoi të luante, duke përmendur praninë e bustit të Soleimanit dhe pankarta të tjera politike.
Konfederata Aziatike e Futbollit (AFC) e anuloi ndeshjen, duke përmendur “rrethana të paparashikuara”, dhe çështja do t’i referohet komiteteve përkatëse.
Nuk ka pasur asnjë koment zyrtar nga Arabia Saudite apo Irani.
Soleimani shihet ndryshe nga klerikët në pushtet të Iranit si një hero dhe nga vendet perëndimore si një terrorist që destabilizoi rajonin. /mesazhi
