“Hapësira është shumë e madhe dhe satelitët janë mikroskopikë në krahasim me të,” tha Musk.
Elon Musk ka refuzuar akuzat e Kinës në Kombet e Bashkuara se projekti i tij i satelitëve të internetit Starlink po zë shumë hapësirë në orbitën e Tokës.
Miliarda satelitëve mund të qëndrojnë në orbitën e Tokës, tha ai për Financial Times.
Komentet e tij vinë pasi shefi i Agjencisë Hapësinore Evropiane tha se Musk po vendoste diktatin e tij në industrinë hapësinore komerciale.
Po këtë javë Kina u ankua se stacioni i saj hapësinor kishte qenë në rrezik përplasjeje me satelitët e Starlink dhe ishte detyruar të shmangej.
“Hapësira është shumë e madhe dhe satelitët janë mikroskopikë në krahasim me të,” tha Musk.
Ai hodhi poshtë idenë se satelitët e Starlink po bëhen pengesë për industrinë dhe konkurrentët duke shtuar se ka vend mjaftueshëm për të gjithë në orbitë.
Shkencëtarët janë shprehur se ekziston nevoja e ndarjes së informacionit në lidhje me 30 mijë satelitët që sillen në orbitën e Tokës në mënyrë që të shmangen përplasjet.
Sipas Kinës më 1 Korrik dhe 21 Tetor kishte shmangur përplasjen me satelitët e Starlink. /PCWorld Albanian