Nga Elbasani erdhi në Gjakovë, e më pas të miturës H.XH, iu desh të marrë rrugën për në QKUK që të lindë fëmijën e saj të parë.
Kjo është historia e 13 vjeçares, që ditë më parë u bë nënë. Ajo është nëna më e re që është regjistruar në Kosovë.
Ajo ka deklaruar për Televizionin 7 se kishte ardhur në Kosovë për ta takuar babin e saj që punonte me hekura.
Sipas të miturës, ajo nuk kishte shkuar e vetme në Kosovë.
Bashkë, me të ka qenë edhe burri i saj, që gjithashtu është i mitur dhe është vetëm 17 vjeçar.
Ata kanë hyrë në Kosovë, përmes pikës kufitare në Morinë.
Por, asaj për shkak se ishte shtatzënë i është dashur që të marr trajtim në Qendrën Klinike Universitare të Kosovës, ku edhe lindi fëmijën e saj.
E mitura edhe këtë të mërkurë ka qenë e shtrirë në këtë klinikë.
Ndërkohë, mjekët njoftojnë se gjendja e saj është stabile. Foshnja meqë kishte lindur para kohës, vazhdon po ashtu të jetë nën përkujdesjen e mjekëve.
Në QKUK një fenomen i tillë nuk është i panjohur. Në 11 muajt e vitit 2018, janë lindur 246 foshnja, nënat e të cilave janë nën moshën 20 vjeçare.
