Kjo është historia e trishtë e Juljana Shahinit, e cila banon në Sukth të Durrësit dhe është nënë e 3 fëmijëve.
Jeta e saj mori një tjetër rrjedhë krejt papritur në vitin 2015 kur ra nga shkallet e shtëpisë dhe për pasojë pësoi dëmtime në shtyllën kurrizore.
Dy vajzat e mitura, njëra në moshën 11 vjeç dhe tjetra në moshën 6 vjeç që në atë vit filluan ti shërbejnë mamasë, e cila nuk lëviz dot nga krevati.
Ka 4 vite që shpina e njomë e vajzave përkulet çdo ditë për tu kujdesur, larë, lëvizur mamanë e cila nuk e ka parë më dritën e diellit qe pas vitit 2015. Ka 4 vite që jeta e 38-vjeçares është mbyllur brenda 4 mureve të dhomës, aty ku i ka perënduar çdo shpresë se ndoshta ndonjë ditë mund të lëvizë me ndihmën e një karroce me rrota.
Edhe pse pas ndërhyrjes se parë kirurgjikale mjeku i ka rekomanduar Julit që të bëjë fizioterapi, mungesa e të ardhurave ka bërë që ajo të mos i kryente këto seanca dhe për pasojë gjendja të vije duke u rënduar çdo ditë e më shumë.
Gazetarja: Sa vite jeni e sëmurë?
Juljana Shahinit: Katër vite! Rrëshqita nga shkallët dhe rashë.
Gazetarja: Nuk mund të lëvizni?
Juljana Shahinit: Jo! Kam thyer kurrizin, kam vendosur pllaka.
Gazetarja: Ka ndonjë alternative që ju mund të bëheni më mirë?
Juljana Shahinit: Thanë në fillim duhet të ikësh jashtë shtetit, por ne nuk kishim mundësi.
Gazetarja: Bëni fizioterapi?
Juljana Shahinit: Ju nuk bëj, sepse nuk kemi mundësi.
Gazetarja: Kush të ndihmon?
Juljana Shahinit: Më ndihmojnë fëmijët e mi. Dy gocat.
Gazetarja: Kush është kërkesa jote?
Juljana Shahinit: Kush ka mundësitë më ndihmojë.
Me lot ne sy vajzat shprehen se dëshira e tyre është që mamaja të shikojë përseri dritën e diellit dhe të lëvizi me karrocë me rrota.
Gazetarja: Sa vjeç je?
Vajza: 15
Gazetarja: Sa vjet ke që i shërben?
Vajza: Katër vjet
Gazetarja:Cilat janë shërbimet që i bën mamit?
Vajza: I mjekoj plagët. I jap ilaçet. Ka plagë pasi katër vite është në kateter dhe atë e ndërroj unë. Do të doja ta shihja edhe një herë jashtë si gjithë të tjerët.
Gazetarja: I shërben mamit
Vajza e vogël: Shumë
Gazetarja: Çfartë shërbimi i bën?
Vajza e vogël: Ilaçet ja jap çdo ditë. Kam shumë që i shërbej.
Gazetarja: Kush është dëshira jote?
Vajza e vogël: Dëshira ime të paktën të dalë në banjë.
/Ora News.tv/