Komisioneri për Zgjerim i Bashkimit Evropian, Johannes Hahn, përmes një postimi në Twitter ka bërë të ditur se ka takuar presidentin e Kosovës, Hashim Thaçi.
“Një takim i mirë me Hashim Thaçin. Ratifikimi i marrëveshjes së demarkacionit, një arritje e rëndësishme”.
Siç ka bërë të ditur Hahn, presidenti Thaçi i ka konfirmuar atij përpjekjet e vazhdueshme të Kosovës në luftën kundër krimit të organizuar.
“Kjo është mënyra më e mirë dhe më e shpejtë për liberalizimin e vizave për qytetarët e Kosovës”, ka shkruar tutje Hahn.
Ndërkohë presidenti i vendit, Hashim Thaçi, më herët gjithashtu kishte bërë të ditur një takim të tillë.
Thaçi në një postim në rrjetin social Facebook ka shkruar se tani është radha që Bashkimi Evropian t’i përfundojë procedurat që lëvizja e lirë e qytetarëve të ndodhë sa më shpejt që është e mundur.
