Haxhi Krasniqi është rikthyer me fitore në ring, duke e mposhtur boksierin çek, Stanislas Eschner.
Boksierit nga Juniku, i janë dashur vetëm gjashtë raunde për të arritur këtë fitore.
Në rundin e gjashtë, boksieri i famshëm nga Kosova fitoi pas ndërhyrjes së gjyqtarit.
Ky ishte meçi i parë pas 15 muajsh për Haxhin Krasniqin, shkruan lajmi.net.
Kujtojmë se Haxhi Krasniqi në të kaluarën ka pasur disa meçe të mëdha për titull kampion të Evropës në kategorinë e tij.
