Policia e Kosovës ka dhënë detaje shtesë për vrasjen që ndodhi sot në qytetin e Gjakovës.
Në një komunikatë për media, është bërë e ditur se se viktima H.A, 61 vjeçar kishte gjetur vdekjen para shtëpisë së tij si pasojë e shpërthimit të një mjeti eksplodues.
“Sot me datë 14. 10. 20218 në ora 08:00 Stacioni Policor në Gjakovë përmes telefonit ka marr informatën se në fshatin Smolicë të Gjakovës ka shpërthyer një mjet eksplozivi”, është bërë e ditur nga Policia e Kosovës.
“Patrullat policore menjëherë kanë dal në vendin e ngjarjes dhe kanë hasur trupin e pa jetë të viktimës H A. 61 vjeçar K/Shqiptar i cili para shtëpisë tij kishte gjetur vdekjen si pasojë e shpërthimit të një mjeti eksplodues”, thuhet tutje në komunikatë.
Të gjitha njësitë relevante të Policisë Kosovës kanë dal në vend të ngjarjes se bashku me Kryeprokurorin e Shtetit nga PTH e Gjakovës, FSK-ja dhe Instituti i Mjekësisë Ligjore, të cilat po punojnë intenzivisht të hetohet dhe ndriçohet ky rast.
