Ushtria izraelite njoftoi se ka vrarë nëntë luftëtarë palestinezë brenda një tuneli nën qytetin Rafah, në jug të Gazës. Sipas mediave, mes 100 dhe 200 luftëtarë të Hamasit ndodhen të bllokuar në tunel, ndërsa Izraeli ende nuk ka reaguar ndaj kërkesave të Hamasit dhe ndërmjetësuesve për t’u lejuar atyre kalim të sigurt drejt zonave nën kontrollin e grupit.
Në një deklaratë, ushtria izraelite tha se gjithsej mbi 30 luftëtarë “që tentuan të largoheshin nga infrastruktura nëntokësore në lindje të Rafahut janë eliminuar”.
Rafahu mbetet një nga zonat e pushtuara nga ushtria izraelite, ndërsa SHBA-të dhe ndërmjetësues të tjerë po përpiqen të negociojnë largimin e luftëtarëve për të ruajtur marrëveshjen e armëpushimit. /mesazhi
