Forcat izraelite kanë lëshuar të dielën një urdhër për prishjen e një shtëpie në fshatin al-Khader, në jug të Bethlehem, me arsyetimin se objekti është ndërtuar pa leje.
Sipas kryetarit të Këshillit Komunal të al-Khaderit, Ahmed Salah, një gjykatë izraelite ka vendosur prishjen e shtëpisë së qytetarit Shadi Issa Sqaiba. Shtëpia, e ndërtuar në formë vile me dy kate, ndodhet në zonën “Ard al-Deir”, në perëndim të fshatit.
Salah bëri të ditur se kërkesa për pezullimin e vendimit ishte refuzuar më herët nga gjykata, ndërsa avokati e ka njoftuar pronarin për vendimin përfundimtar. Ai shtoi se pronari ka nisur zbrazjen e shtëpisë në pritje të zbatimit të urdhrit.
Sipas autoriteteve lokale, kohët e fundit është vërejtur rritje e aksioneve në zonën “Ard al-Deir”, përfshirë prishje të disa banesave dhe objekteve bujqësore, si dhe lëshim njoftimesh për ndalimin e punimeve ndërtimore. /mesazhi
