Vdekjet e punëtorëve në vendet e punës janë bërë të shpeshta në Kosovë. E njëra ndër shkaqet mbetet pasiguria që ofrojnë kompanitë ndërtuese.
Agjencia e Lajmeve Informimi, sjell disa fotografi të bëra në njërën nga punishtet në kryeqytet.
Aty shihet se si vinçi është vendosur lart dhe mbi të shihen dy punëtorë e që nuk janë aspak të sigurt.
Madje ky vinçë i vendosur prapa Ministrisë së Arsimit, konkretisht në lagjen Aktash në kryeqytet përbën rrezik edhe për banorët dhe veturat që lëvizin aty pari.
Mbetet punë e Inspektoratit të Punës të dalë dhe të konstatojë nëse kjo kompani ndërtimi ofron siguri dhe kushte të duhura.
