*Askush nuk vdes nga uria! Në fakt miliona njerëz vdesin çdo vit për shkak të kequshqyerjes dhe urisë.
*Askush nuk merr jetesën tjetrit! Në fakt të varfërve në botë çdo ditë ua vjedhin jetesën, hajdutët dhe individët e korruptuar.
*Kur e humbim mundësinë për ndonje vend pune, për shkak të ndërmjetësimit dhe ryshfetit nga ata që nuk e meritojnë atë, thuhet nuk ka qenë kysmet, në vend se të kërkohet e drejta deri ne fund.
*Kur shoferi i pamatur mbytë personin e pafajshëm, fillojnë pleqnaret të ndërmjetësojnë, duke kërkuar falje për vrasësin dhe duke thënë se personi i vdekur keshtu e ashtu ka pas për të vdekur.
*Kur martohen të rinjet, plotësisht të pakujdesshem në zgjedhjen e tyre, pastaj gjithë jeta ju shkon pa sukses, justifikimi është: nafakë e ka pas.
*Kur fatkeqësitë i ndodhin një personi ose një familjeje të caktuar, justifikimi është i gatshem: msyshi e ka prek.
*Kur bëhemi frikacakë dhe nuk arrijmë ta ndryshojmë realitetin, ne e justifikojmë atë duke thënë: Zoti nuk e lejoi.
Këto injektime na i kontrollojnë mendimet, besimet dhe sjelljet tona, dhe ne pa menduar fare ua transmetojmë fëmijëve tanë brez pas brezi.
Nga: Hoxhë Halil Avdulli
