Aina Gamzatova, një grua 46-vjeçare nga Dagestani, do të kandidojë kundër presidentit rus Vladimir Putin në zgjedhjet e marsit 2018.
Qindra përkrahës të saj u mblodhën rreth saj për të festuar në Makhachkala, kryeqytetin e Dagestanit, të shtunën, dy ditë pasi ajo konfirmoi kandidimin e saj në një post në Facebook, përcjell albeu.com
Gamzatova drejton median më të madhe të mediave muslimane në Rusi – Islam.ru – që përfshin televizion, radio dhe media të shkruara, shkruan libra mbi Islamin dhe drejton një organizatë bamirëse.
Burri i saj, Akhmad Abdulaev, është myfti i Dagestanit, provincës së trazuar të Rusisë, ku një konfrontim midis luftëtarëve, klaneve dhe forcave federale ka vrarë mijëra.
Kandidatura e Gamzatovës është bërë një temë e nxehtë në mesin e komunitetit musliman të Rusisë. Ndërsa disa thonë se ajo nuk duhet të dalë jashtë hijes së burrit të saj, të tjerët duartrokasin vendosmërinë e saj.
Disa e shohin fushatën e saj – pavarësisht nga rezultatet e saj – si një mënyrë për të rritur imazhin e grave myslimane në Rusi dhe për të tërhequr vëmendjen ndaj nevojave të Dagestanit të varfër, të mbipopulluar dhe shumë-etnik.
“Edhe nëse ajo humbet, njerëzit do të dinë se një vajzë në një hixhab [një shami të veshur nga shumë gra muslimane që e ndjejnë se është pjesë e fesë së tyre] nuk është vetëm një nënë apo një grua, por është gjithashtu një arsimtare, e mençur dhe e respektuar”, shkruante ish-kampioni olimpik në boks dhe zëvendësministri i sporteve Dagestan Gaidarbek Gaidarbekov në Instagram, shkruan albeu.com
Por, ajo mund të marrë një numër të madh votash në Dagestan dhe në Kaukazin Verior – diçka që do ta shkatërrojë imazhin e Putinit në rajonin e papunësuar që varet shumë nga subvencionet federale dhe ku – sipas vëzhguesve të zgjedhjeve – zyrtarët zakonisht përdorin manipulimin e votave.
