Në Prishtinë po mbahet punëtoria për hartimin e planit të veprimit për situata emergjente.
Me këtë Kosova bëhet shtetit i parë në Evropë që po harton planin e veprimit për situata emergjente, tha Faik Hoti nga Instituti Kombëtar i Shëndetësisë Publike.
Drejtoresha e Institutit Kombëtar të Shëndetësisë Publike, Ardita Baraku bëri thirrje se në raste emergjencash, të ketë veprime të koordinuara dhe secili të punojmë në sferën e tij.
Punëtoria realizohet nga IKSHPK në partneritet me Ministrinë e Shëndetësisë dhe Zyrën e OBSh-së në Prishtinë.
Ndërsa fokus i saj është përshtatja e planit me nevojat specifike të emergjencave shëndetësore.
Qëllimi kryesor i kësaj punëtorie është të hartojë draftin e plotë të Planit RCCE-IM, i cili do të udhëzojë autoritetet shëndetësore në përgatitjen dhe përgjigjen ndaj emergjencave shëndetësore për të gjitha rreziqet.
