Kupa e Botës në Katar, e 22-ta me radhë, fillon sot në orën 17:00. Ndeshja hapëse është ajo mes skuadrës nikoqire, Katarit dhe Ekuadorit.
Më shumë se një orë para kësaj sfide, si zakonisht është organizuar edhe ceremonia hapëse e cila ka qenë spektakolare, njoftojnë mediat e huaja, transmeton Demokracia.com.
Gjatë kësaj ceremonie është lexuar edhe një ajet nga libri i shenjtë i Kuranit.
Ky ishte ajeti i Kuranit që u lexua gjatë ceremonisë:
“O ju njerëz, vërtet Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se te Allahu më i ndershmi ndër ju është ai që më tepër është ruajtur, e Allahu është shumë i dijshëm dhe hollësisht i njohur për çdo gjë”.
[[El-Huxhurat:13]]
