Luanesha nuk martohet me një gomar, është një thënie arabe dhe sipas të dhënave gojore, ka qenë një grua algjeriane, nga komuniteti Amazig, ajo që e ka thënë për herë të parë.
Thuhet që një ushtri kaloi pranë fisit të vajzës në fjalë, gjatë një ekspedite ushtarake dhe komandanti i ushtrisë e pikasi vajzën ndërkohë që ajo ishte duke kërcyer me shoqet e saj. Atij i pëlqeu vajza prandaj dhe vendosi ta ftojë për një natë të vetme, prandaj i thurri këto vargje:
O vashë plot hire e këtij vendi
A s’sheh ç’djalë ka kuvendi
Zemra po i digjet nga malli për ty
Falja një natë, e ç’malluni të dy!
Vajza iu përgjigj aty për aty me vargjet:
E refuzuar është çfarë kërkon
Tek burra si ti, as mendja s’më shkon
Dhe mbaj veshin o djalë i mbarë
Një luaneshë s’martohet me gomarë.
Nga: Elmaz Fida
