Skuadra e Manchester Cityt është shpallur kampion i sezonit 2023/24 në Premier League.
Ekipi i Pep Guardiolas shënoi fitore 3:1 ndaj West Ham Unitedit në “Etihad” në ndeshjen e fundit të këtij sezoni.
Golat për skuadrën vendase i shënuan: Phil Foden (2) dhe Rodri, kurse të vetmin për mysafirët e shënoi Kudus.
Me këtë fitore, Manchester City siguroi titullin e katërt me radhë në Premier League me 91 pikë, katër më shumë se vendi i dytë, Arsenali (87).
