Qysh nga paslufta familjarët e mbi 80 viktimave të masakruar në Lybeniq të Pejës, kërkojnë drejtësi për familjarët e tyre të vrarë.
Por, të gjithë mekanizmat e drejtësisë në Kosovë, përfshirë UNMIK-un, EULEX-in dhe Prokurorinë e Kosovës për krime lufte kanë dëshpëruar familjarët e viktimave.
Këto organe, lejuan prokurorët serbë të vijnë në Kosovë në emër të hetimit të masakrave në Lybeniq, duke dhënë në gjykatat e Serbisë një dënim qesharak në vitin 2014.
E as ky vendim i organeve serbe të gjyqësisë nuk është zbatuar, pasi Gjykata e Apelit kishte kërkuar ri-gjykim për grupin ushtarak Çakajt, që kishin kryer krimin makabër në Lybeniq të Pejës.