Mbi 100 vite burg për bandën që tentoi të grabiste Mezut Ozil

Një grup banditësh të armatosur që terrorizuan Londrën me një sërë grabitjesh përfshirë edhe tentativën për të vjedhur yjet e Arsenalit, Mezut Ozil dhe Sead Kolasinac, janë dënuar me mbi 100 vite burg.

Grupi që grabiste në zonat më të pasura në Britani ishte vënë nën vëzhgim nga autoritetet nga gushti i vitit 2019 deri në korrik të 2020. Një nga grabitësit, Jordan Northoer dhe një bashkëpunëtor i tij i zunë pritë yjeve të Arsenalit, Sead Kolasinac dhe Mesut Ozil.
Ata tentuan t’u merrnin orët luksoze që kapnin vlerën e 200 mijë paundëve. Dëshmitarët thanë asokohe se Ozil dukej i tmerruar, ndërsa nga pamjet filmike shihej shoku i tij Kolasinac, i cili po përballej me grabitësit, të cilët veshur me të zeza dhe mbanin maska në kokë. /balkanweb