Instituti Hidrometeorologjik i Kosovës ka njoftuar se mbi vendin tonë sot pritet të mbajë mot me diell dhe pjesërisht i vranët.
Sipas IHK-së, si pasojë e zhvendosjes së rrymave ajrore nga veriu në lindje, të cilat më tej nën ndikimin e fushave anticiklonike do të shtrihen mbi territorin tonë, do të ndikojnë edhe më tej në përmirësimin e kushteve meteorologjike.
“Temperaturat do të jenë mbi vlerat e mesatareve në të dy vlerat ekstremale. Minimalet do të lëvizin nga -1 deri 0 gradë Celsius, ndërsa maksimalet e ditës parashihet të lëvizin ndërmjet 9-11 gradë Celsius. Do të fryjë erë kryesisht nga juglindja e lehtë deri mesatare”, thuhet në njoftimin e IHK-së.
