CEO i Tesla-s, Elon Musk ka thënë se kompania nuk do të mund të bëjë punësime të reja nëse ai personalisht nuk i miraton ato, duke përfshirë kontraktorët, sipas një kopje të e-mailit të parë nga Reuters.
Sipas e-mailit, Musk iu tha drejtuesve që t’i dërgonin atij një listë të kërkesave për punësim në baza javore, ndërsa gjithashtu i paralajmëroi ata që të “mendojnë me kujdes” përpara se të paraqesin kërkesa të tilla.
“Askush nuk mund të bashkohet me Tesla-n, qoftë edhe si kontraktor, derisa të merrni miratimin tim të e-mailit”, tha Musk në e-mail të hënën.
Muajin e kaluar, kompania publikoi marzhin e saj bruto tremujor më të ulët në dy vjet, duke munguar në vlerësimet e tregut, pasi uli çmimet në mënyrë agresive në tregje, duke përfshirë Shtetet e Bashkuara dhe Kinën për të nxitur kërkesën dhe për të shmangur konkurrencën në rritje.
Musk së fundmi emëroi Linda Yaccarino-n si shefe ekzekutive (CEO) të Twitter. Ai deklaroi të premten se kjo do të lejonte që të kishte më shumë kohë për ta menaxhuar kompaninë Tesla.
