Ka ndërruar jetë palestinezi i cili ishte plagosur nga forcat izraelite dy javë më parë në Bregun Perëndimor të pushtuar, transmeton Anadolu.
Në një deklaratë me shkrim nga Ministria palestineze e Shëndetësisë thuhet se 29-vjeçari Mohammed Nabil Fawzi u qëllua si pasojë e zjarrit të hapur nga forcat izraelite në qytetin Jenin të Bregut Perëndimor rreth dy javë më parë.
Në deklaratë thuhet se Fawzi ka ndërruar jetë si pasojë e plagosjes. Numri i palestinezëve të vrarë nga forcat izraelite që nga fillimi i vitit ka arritur në 63.
