Të paktën tetë palestinezë u vranë dhe disa të tjerë u plagosën të dielën në sulmet ajrore izraelite në Rripin qendror dhe jugor të Gazës.
Një burrë dhe gruaja e tij u vranë dhe gjashtë të tjerë, përfshirë vajzën e tyre të mitur, u plagosën rëndë kur një sulm ajror goditi tendën ku ata po qëndronin në qytetin Al-Zawayda në qendër të Gazës, tha një burim mjekësor për Anadolu.
Gjashtë palestinezë të tjerë u vranë dhe disa të tjerë u plagosën kur një dron izraelit shënjestroi një motoçikletë dhe një automjet civil në zonën Khirbat Al-Adas në qytetin Rafah, tha një burim tjetër mjekësor.
Sulmi kishte në shënjestër banorët që kërkonin miell në lagjen Al-Nahal të Khirbat Al-Adas, thanë dëshmitarët për Anadolu.
Sipas dëshmitarëve, avionët luftarakë izraelitë kryen sulme ajrore të njëpasnjëshme duke synuar katër shtëpi në lagjen Al-Nasr në verilindje të Rafahut dhe në lagjen Al-Janineh në qytet.
