Organizata Botërore e Shëndetësisë po bën thirrje për qasje urgjente në Gaza për të ofruar ndihma dhe furnizime mjekësore, duke paralajmëruar për një krizë humanitare afatgjatë.
Rreth gjysma e 2,800 palestinezëve të vrarë kanë qenë gra dhe fëmijë dhe 11,000 të tjerë janë plagosur në Gaza që nga fillimi i bombardimeve të Izraelit pas sulmit nga Hamasi, thanë zyrtarët e OBSH-së.
Agjencia e OKB-së po takohet sot me “vendimmarrësit” për çështjen e hyrjes në Gaza sa më shpejt të jetë e mundur pasi aktualisht nuk ka rrugëdalje apo hyrje.
Zyrtarët thanë se ka pasur 115 sulme në objektet e kujdesit shëndetësor dhe shumica e spitaleve në Gaza janë jashtë shërbimit, ndërsa uji dhe energjia elektrike janë të pakta.
“Ekziston frika e madhe për një rritje të incidenteve të dehidrimit, si dhe shpërthimin e sëmundjeve të shkaktuara nga uji për shkak të kolapsit të shërbimeve të ujit dhe kanalizimeve. Njerëzit do të fillojnë të vdesin pa ujë.”, tha në një deklaratë Agjencia e OKB-së për Refugjatët për Refugjatët Palestinë në Lindjen e Afërt (UNRWA). /abcnews