Vendimi i kryeministrit britanik për të pezulluar për një muaj Parlamentin ka shkaktuar zemërimin e deputetëve dhe kundërshtarëve të një Brexiti pa marrëveshje.
Ajo ndezi protesta në të gjithë vendin, një sfidë ligjore dhe një peticion me më shumë se një milion nënshkrime.
Qeveria tha që pezullimi pesë-javor në shtator dhe tetor do të japë më shumë kohë për të diskutuar rreth Brexit.
Por kritikët thanë se ishte një përpjekje “jodemokratike” për të ndaluar deputetët që të mos bllokojnë asnjë marrëveshje.
Ministri i kabinetit, Michael Gove i tha BBC-së pezullimi, i cili u miratua nga Mbretëresha të mërkurën, ishte një veprim “jo politik” për të penguar kundërshtimin në Mbretërinë e Bashkuar për largimin nga BE pa marrëveshje.
Ai tha se do të kishte më “shumë kohë” për të debatuar Brexit para datës së planifikuar të nisjes së 31 tetorit.
Të Mërkurën, Johnson tha që fjalimi i Mbretëreshës do të mbahej pas pezullimit, më 14 tetor, për të përshkruar “axhendën e tij shumë interesante”.
Ai tha se nuk dëshiron të presë Brexit “për të nisur planet për çuarjen përpara të vendit”.
Udhëheqësi i Dhomës së Komunave Jacob Rees-Mogg, i cili ishte në takim me Mbretëreshën, tha se kjo seancë parlamentare ishte një nga më të gjatat në pothuajse 400 vjet, kështu që ishte e drejtë ta pezullonim atë dhe të fillojë një seancë të re.
Duke shkruar në Daily Telegraph , ai tha se e vetmja “krizë kushtetuese” ishte ajo që u shkaktua nga ata që kundërshtuan vendimin e referendumit të vitit 2016.
Kreu i Partisë kryesore të opozitës, Jeremy Corbyn, e përshkroi atë si “një shkatërrimtar të demokracisë” në mënyrë që të detyrojë vendin të dalë nga BE pa marrëveshje dhe duke lënë deputetët pa kohë të mjaftueshme për të miratuar ligje në Parlament. Ai u zotua se do të përpiqet të ndalojë pezullimin.
Edhe aktivistja anti-Brexit, Gina Miller – e cila më parë fitoi një betejë ligjore kundër ministrave mbi nenin 50 – ka bërë një kërkesë për shqyrtim gjyqësor në gjykata në lidhje me vendimin e z. Johnson.
Kryeministri thotë se dëshiron të largohet nga BE në fund të tetorit me një marrëveshje, por është i gatshëm të largohet edhe pa një të tillë dhe jo të humbë afatin./Ora News
