Është një eveniment dedikuar punimeve dhe projekteve Arduino dhe sjell bashkë fillestarë, entuziastë dhe profesionistë të ndryshëm.
Për vitin e 11-të me radhë Things Lab do të organizojë në Shqipëri Arduino Days, një eveniment i cili vjen për të festuar kreativitetin dhe inovacionin.
Arduino Days do të organizohet në datat 19-21-23 Mars në qytetin e Shkodrës, Korçës dhe Tiranës respektivisht.
Është një eveniment dedikuar punimeve dhe projekteve Arduino dhe sjell bashkë fillestarë, entuziastë dhe profesionistë të ndryshëm.
Nëse jeni kuriozë për elektronikën apo i përfshirë në komunitetin Arduino, ky eveniment është i hapur për këdo që dëshiron të bëhet pjesë.
Për tu bërë pjesë ju ftojmë të regjistroheni duke plotësuar formularin në këtë lidhje: https://www.thingslab.cc/register/arduinodays2024
Arduino Days do të mbahet më:
- 19 Mars nga ora 14:00 deri në 16:00 pranë ambienteve të Shkollës 28 Nëntori në Shkodër
- 21 Mars nga ora 16:00 deri në orën 18:00 pranë Innovation Hub në Korçë
- 23 Mars nga ora 9:30 deri në orën 15:00 pranë Fakultetit të Inxhinierisë Fizike dhe Matematike në Universitetin Politeknik të Tiranës
Në Shkodër dhe Korçë përgjatë dy orëve pjesëmarrësit do të prezantohen me Arduino, bazat e qarqeve dhe programimit nga ekspertë të fushës. Është një eveniment ku të pranishmit do të mësojmë rreth mikrokontrollorëve dhe elektronikës.
Sakaq në Tiranë evenimenti do të jetë më i gjerë ku do të marrin pjesë Klubi i Robotikës së Harry Fultz dhe Uno Robotics.
Axhenda e Arduino Days në Tiranë
- 09:30 – 10:00 Regjistrim
- 10:00 – 10:10 Fjalë hapëse
- 10:10 – 10:20 Prezantim i KSFIMIF
- 10:20 – 11:20 Harry Fultz Robotics Club
- 11:20 – 12:00 Online Meeting IOT Developers
- 12:00 – 12:30 Pushim
- 12:30 – 13:00 Uno Robotics
- 13:00 – 14:00 Dreka
- 14:00 – 16:00 Workshop Saldim Room 121, Workshop Arduino 121/1
- 16:00 – 16:10 Mbyllja
Ky eveniment organizohet nga Things Lab dhe mbështetet nga Universiteti Politeknik i Tiranës, Shkolla 28 Nëntori, Korca Innovation Hub dhe Technosoft.