Mijëra mësues dhe nxënës në Hungari po protestojnë kundër Qeverisë, raporton agjencia AP.
Protestat po mbahen në kryeqendër të Hungarisë, Budapest.
Mësuesit dhe përkrahësit e tyre kanë formuar një zinxhir njerëzor përgjatë qendrës së Budapestit dhe lumit Danub.
Mësuesit po protestojnë kundër pagave të ulëta, kërkesave të shumta kurrikulare për studentët, për kushte jo të mira dhe mungesë të lirisë në planifikimin mësimor.
Procesi i centralizimit të sistemit edukativ në Hungari nënkupton se kurrikula, librat dhe marrja e vendimeve të gjithë kontrollohen nga një trup qendror i formuar në vitin 2012 nga Qeveria nacionaliste e Hungarisë.
Mësuesit në shkolla publike në Hungari për shumë vjet janë ankuar për paga të ulëta dhe punë të madhe, duke bërë të rinjtë hezitues që të futen në këtë profesion. Kjo po shkakton mungesë të mësuesve.
Paga bazë për mësuesit në Hungari nuk ka ndryshuar që nga viti 2014, duke filluar nga paga neto 207 mijë forintë hungarezë (rreth 505 euro).
Pas një serie të bisedimeve të pasuksesshme për rritje të pagës dhe reduktim të orëve të punës, sindikatat u kanë bërë thirrje mësuesve të bëjnë një seri të grevave dhe ndalim të punës.
Hungaria ka shtrënguar ligjet e grevave në maj, duke limituar kushtet nën të cilat mësuesit mund të mbajnë ligjërisht grevë. /koha
VIDEO OF HOPE & RESISTANCE ✊🏽 🇭🇺Govt authorities fired teachers for excercising #RightToProtest. 💪🏼What followed: students formed a 6-km long solidarity human chain thru Budapest. Strike+Protest is a #HumanRight,even in #Hungary Vid:@msamufazekas @AmnestyHungary pic.twitter.com/B4Im985IYe
— Vig Dávid (@divaDgiV) October 5, 2022
