Qindra njerëz u mblodhën sot në sheshin Trafalgar të Londrës për të protestuar kundër sulmit të Rusisë ndaj Ukrainës.
Protestuesit shpalosën një pankartë gjigante në shkallët e Galerisë Kombëtare ku shkruhej: “Kur të bjerë ushtari i fundit ukrainas, Putini do të vijë t’ju marrë, zonja dhe zotërinj”.
Të tjerë mbajnë tabela që shkruajnë “Putin terrorist” dhe “Mbroje Ukrainën, shpëto Evropën”, dhe shumë prej tyre janë veshur me flamurin kombëtar blu dhe të verdhë të Ukrainës.
Demonstrata vjen në ditën e 10-të të pushtimit të Ukrainës nga Moska, ndërsa granatimet e rënda të shumë qyteteve nga forcat ruse vazhdojnë, dhe refugjatët derdhen jashtë vendit për t’iu bashkuar më shumë se një milionëve që tashmë janë larguar. /atsh
