Ministri i Punëve të Jashtme i Turqisë, Hakan Fidan është takuar në Ankara me sekretarin e përgjithshëm të NATO-s, Mark Rutte, raporton Anadolu.
Sipas burimeve diplomatike, takimi Fidan-Rutte u zhvillua në kuadër të vizitës zyrtare të shefit të NATO-s në Turqi.
Bisedimet janë pjesë e kontakteve të nivelit të lartë mes Ankarasë dhe aleancës, në një periudhë kur çështjet e sigurisë rajonale dhe bashkëpunimi brenda NATO-s mbeten në fokus.
Gjatë vizitës së tij, Rutte pritet të takohet edhe me presidentin turk, Recep Tayyip Erdogan.
