Pasi kaloi 10 vite në krye të dizajnit të Audi, Marc Lichte po largohet për të marrë një rol të ri brenda kompanisë.
Duke filluar nga 1 qershori i vitit 2024, arkitekti i Land Rover Defender, Discovery, Velar, dhe Range Rover, Massimo Frascella, do të jetë shefi i ri i dizajnit të produkteve nga Audi, duke përfshirë edhe modelet e ardhshme elektrike.
Audi do të prezantojë modele elektrike duke filluar që nga viti 2026, transmeton Telegrafi.
Por, bëhet e ditur se Massimo Frascella do të përqendrohet kryesisht te modelet me emetim zero të karbonit. Gjithashtu, shefi i ri synon të dizajnojë vetura që “nuk ndjekin trendet”.
CEO i kompanisë, Gernot Döllner është i bindur se Frascella mund të krijojë “një gjuhë të pagabueshme dhe emocionale të projektimit të veturave”.
Megjithatë, mbetet për t’u parë nëse dizajneri i ri do të lërë gjurmë në automjetet e prodhuara në të ardhmen.
Sido që të jetë, italiani i cili më parë ka punuar për Bertone, Ford, dhe Kia, thotë se favorizon “thjeshtësinë” e modeleve, dhe do të përqëndrohet në krijimin e tyre.
