Shqipëri, gazetarja britanike akuzohet për spiunazh dhe se punon për Moskën

Gazetarja britanike që punon në Shqipëri, Alice Elizabeth Taylor, pas raportimit rreth situatës në Shqipëri për “Russia Today” është akuzuar në Shqipëri se ka lidhje me Moskën, por ajo nga ana tjetër ka mohuar në mënyrë kategorike akuzat. Ajo u shpreh në emisionin “360 Gradë” në Ora News se është absurde që një gazetare të konsiderohet si spiune, shkruan alsat-m përcjellë Klan Kosova.

Gjatë fjalës së saj thekson se thjesht ka dhënë disa informacione mbi politikën shqiptare për Russia Today.

“Thjesht fakti se si një gazetar nuk i lejohet të raportojë në lidhje me çfarë do lloj teme pa u etiketuar si spiun për ndonjë shtet, është thjesht e frikshme. Unë dhashë disa informacione mbi situaten politike në Shqipëri për Russia Today”, u shprehe Taylor.